ای   گوزوم   آغلاما    مولا   گله   جاق

غم    یِئمه    مهدی    والا   گله   جاق

روح طاها گله جاق ‚ جان زهرا گله جاق

بیر  گونون   جلوه  سی   دائم   گورونور

صبح      صادقدن     علائم     گورونور

طلعت     حضرت       قائم     گورونور

یار  محبوب  و  دل آرا    گله جاق

کعبه  دن   ظاهر    اولان    وقته    امام

ویره     جاق    عالمه      اعلان     قیام

دیلده     تکبیر      خدا      الده      حسام

انقلاب  ایتماقا  بَرپا     گله جاق

وِئر      بشارت        ضُعفای       زَمَنه

خاندان             شهدای              وطنه

شمع      نورین        سالاجاق     انجمنه

جان   پروانیه  یارا  گله  جاق

ای  خدا شامه دونوب   گوندوزوموز

کربلا   ده          آغلار         گؤزوموز

شهدا    سیّدینه   وار      سؤزوموز

بس هاچان مصلح دنیا گله جاق

ای   خدا    شیعه  دوشوبدی     خطره

فرجین    سالما    بو   گوندن    سحره

مضطروخ   منتظروخ    خوش    خبره

بو خبر هانسی گون آیا  گله جاق

ای   صبا    بیزدن    آپار    یاره     پیام

حجّت    ابن     الحسنه      ایله      سلام

دوشموشوخ   مشکله   یوخ    دِلده    دوام

دِل دیور حجّت  یکتا  گله  جاق

الیمیز      چاتمور      او       دلداریمیزه

سرور        و       قافله       سالاریمیزه

ایده       درمان        دِل       بیماریمیزه

چاره ی   درد  احبّا  گله  جاق

دی   « کلامی »   بو  سوزی   اهل   دِله

گلور   اول   شه   ویره    احراره    صله 

وار     یری     یولارا     آذین      چکیله

مژده  ویر  قطریه  دریا  گله  جاق

اثر: حاج ولی ا… کلامی زنجانی